Iu gjet telefon në tenxheren që po i dërgonte djalit, arrestohet 65-vjeçari në burgun e Beratit

Një 65-vjeçar është sot vënë në pranga e policisë pasi ka tentuar të fusë në burgun e Beratit një telefon për djalin e tij, që vuan dënimin në këtë institucion.

Bëhet fjalë për personin e identifikuar me emrin Musteak Çala i cili është vënë në pranga nga SHKB. Ai u kap duke futur një celular brenda ushqimeve që kishte futur në Burgun e Beratit për djalin e tij 30 vjeç Erjon Çala, që vuan dënimin në këtë burg.

Telefoni u gjet i ngjitur brenda një tenxhereje. Musteak Çala pas ndalimit nga SHKB e burgjeve u mor tani në dorëzim nga DVP Berat, ku edhe do merret në pyetje.