Atentati në Don Bosko, në lokalin që mban emrin e politikanes Fajon

Dy persona kanë mbetur të plagosur mesditën e sotme  në zonën e Don Boskos në afërsi të xhamisë në Tiranë.  Bëhet fjalë 45-vjeçarin Kastriot Elezaj dhe 22-vjeçarin Ronaldo Metushi, të cilët sipas të dhënave të para nuk kanë lidhje me njëri tjetrin.

45-vjeçarin ka qenë person me precedentë penalë në Itali dhe kishte 6 muaj që ishte kthyer në Shqipëri.

Dy të plagosurit nuk kanë lidhje me njëri-tjetrin. 22-vjeçari dhe 45-vjeçari nuk kanë lidhje pasi atentati ka qenë në drejtim të 45 vjeçarit që dyshohet me precedentë penalë në fushën e narkotikëve dhe kishte 6 muaj që ishte kthyer në Shqipëri. Të dy personat në këto moment janë jashtë rrezikut për jetën.

Autorët mendohet se janë larguar me një automjet dhe policia ka ngritur pika kontrolli e postblloqe në dalje të kryeqytetit.

Ngjarja ka ndodhur në lokalin Fajon, i cili ka marrë emrin nga eurodeputetja Tanja Fajon e cila mbështeti Shqipërinë për liberalizimin e vizave.

gijotina.com/