Shisnin drogë dhe kundërshtuan me forcë policinë, prangosen 3 persona në Vlorë (Emrat)

Tre persona të shpallur në kërkim janë arrestuar këtë të mërkurë nga policia e Vlorës, pasi kundërshtuan me dhunë punonjësit e policisë.

Ngjarja ndodhi gjatë një operacioni për goditjen e rasteve të shitjes së lëndëve narkotike gjatë kontrolleve në “Plazhin e Delisufit” ditën e hënë.

Gjithashtu raportohet se në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, është bërë i mundur identifikimi dhe shpallja në kërkim e 3 shtetasve të tjerë të përfshirë në këtë veprimtari kriminale.

Mësohet se në pranga kanë rënë Ildjan Dodaj, Mohammed Bennanna dhe Mateo Masini.

Materialet procedurale i kaluan Prokurorisë, për veprime të mëtejshme.