Në kulmin e një ndërgjegjësimi qytetar për problematikën e plehrave që kundërmojnë rrugëve të Tiranës, firma përgjegjëse nën zotërimin në shumicë nga Bashkia e Tiranës rezulton se ka mungesë fshesash.
Prej javësh tashmë, media, politika dhe qytetarë kanë faktuar përmes fotografive dhe videove të publikuara rrugët e Tiranës të mbushur me plehra. Pamjet i përkasin periferisë dhe qendrës, me koshat e plehrave që derdhin mbetjet që po kërcënojnë shëndetin e qytetarëve të Tiranës.
Përgjegjëse për pastrimin e qytetit është firma “Eco Tirana” nën zotërim me 51% të kuotave nga Bashkia Tiranë dhe “AGSM AIM” me 49%. “Eco Tirana-s” ka qenë shpesh në qendër të kritikave, e cilësuar që nga krijimi i saj një entitet i errët për qëllime klienteliste të kryebashkiakut të Tiranës Erion Veliaj. Raportimet për lidhjet me mafien famëkeqe “Ndrangheta”, paratë e përfituara në procedura tenderuese, denoncimet në prokurori për paligjshmëri si dhe dështimi në pastrimin e qytetit e kanë kthyer “Eco Tiranën” në një “dele të zezë” për shëndetin dhe paratë e qytetarëve të kryeqytetit.
Dhe në kulim e një krize të re zhuli që ka kapluar Tiranën, rezulton se “Eco Tirana” është në kërkim të … fshesave!
Kjo zbulohet nga një tender i çelur së fundmi nga ky institucion me afat përfundimtar 12 Shtatorin për paraqitjen dhe hapjen e ofertave.
Objekti i tenderit është “blerje fshesa, materiale për fshesaret për pastrimin e qytetit” dhe ka një fond limit prej rreh 26 mln lekë (të vjetra) – 2.594.043 Lekë pa TVSH.
/Gijotina.com/
Discussion about this post