Kreu i Partisë së Lirisë Ilir Meta, nuk i ka kursyer “shigjetat” drejt ish bashkëshortes së tij Monika Kryemadhi.
Në një konferencë për shtyp, Meta ripërsëriti edhe njëherë se ka qenë kundër djegies së mandateve dhe se gjithçka ka ndodhur nga nepotizmi.
“Kam qenë kundër mandateve dhe jam mashtruar në solidaritet, e dija që mund ti digjte kryetarja me lulushin, por jo te tjerët. Ata që komunikuan me presidentin nuk ua thanë qëndrimin e presidentit, deputetëve të pranishëm. Asnjë nga ata nuk i çoi një mesazh presidentit për vendimin katastrofal që morën.
Kjo ndodhi për shkak të nepotizmit. Si mund ta bëjë gruaja pa dijeninë e burrit, janë gjera të kaluara këto dhe jam i qartë në këto çështje dhe të tjera që do i provojë koha”-u shpreh Ilir Meta.
I pyetur nga gazetarët nëse do të garojnë vetëm apo me Berishën, Meta tha se kjo çështje është ende në shqyrtim.
“Është çështje që ka shumë kohë dhe ne do studiojmë të gjitha opsionet që opozita të futet sa më fuqishëm në këto zgjedhje. Do bëjmë çdo përpjekje për të ndërtuar mekanizimin e organizmit për përballjen me regjimin, duke mos pasur iluzione se presim nga ky regjim kriminal standarde në zgjedhje”, tha Meta.
Discussion about this post