Policia e Kentakit në SHBA raportoi për të shtëna me armë zjarri në orët e vona të së shtunës, ndërsa mediat thonë se 7 persona kanë mbetur të plagosur.
Ngjarja ka ndodhur në qytetin e Londrës, në jug të Lexington ku personat u qëlluan me armë zjarri në një rrugë.
Në një deklaratë video, kryebashkiaku i Londrës Randall Ëeddle tha se shtatë persona u plagosën, por jo të gjithë u plagosën nga të shtënat me armë zjarri. Disa nga të plagosurit janë lënduar në një aksident trafiku, tha ai.
“Për momentin nuk ka të vdekur. Askush nuk u vra nga kjo, fatmirësisht, por ju kërkojmë që të vazhdoni të luteni, “tha Weddle.
Zyra e Sherifit të Qarkut ka identifikuar 32-vjeçarin Joseph A Couch si personin e dyshuar dhe paralajmëroi publikun se ai konsiderohet i armatosur dhe i rrezikshëm.
Sipas mediave lokale, të shtënat mund të jenë realizuar nga një zonë pyjore pranë autostradës, ose nga një mbikalim.
“I dyshuari ose të dyshuarit nuk janë kapur në këtë moment, por ata janë në kërkim të tyre”, tha kryebashkiaku Randall në një video të postuar në Facebook rreth orës 21:30 me orën lokale.
“Aty ku janë aktualisht, është një terren i thyer dhe të pyllëzuar”, tha ai.
Scottie Pennington, një zëdhënës i Policisë së Shtetit të Kentakit, u bëri thirrje banorëve në zonë të qëndronin brenda.
Guvernatori i Kentakit, Andy Beshear, shkroi në mediat sociale se forcat e rendit kishin “mbyllur ndërshtetërorin në të dy drejtimet” afër vendit ku ndodhën të shtënat.
Discussion about this post