Përballje të forta PS-PD për zgjedhjet në qarqe, beteja të ashpra në Tiranë e Elbasan

Partia Demokratike ishte e para që zyrtarizoi emrat e 12 drejtuesve politikë në qarqet e vendit. Ata do të kryesojnë fushatën e demokratëve dhe përgjegjësia e tyre është rezultati.

Sot ishte radha e socialistëve për të prezantuar ekipin elekektoral. Gjatë punimeve të Asamblesë kombëtare të PS, kryesocialisti Edi Rama lexoi emrat 12 drejtuesve të qarqeve.

Në Qarkun e Tiranës PS është mobilizuar me tre drejtues politikë, kryetaren e Kuvendit, Elisa Spiropali, ministren e Arsimit, Ogerta Manastirliu dhe kryebashkiakun Erion Veliaj. Treshja e PS do të ketë përballë Belind Këlliçin si drejtues i vetëm në qarkun e Tiranës, për demokratët.

Nga ana tjetër edhe në Elbasan beteja do të jetë e ashpër, ku drejtuesi politik i PD, Ervin Salianji do të përballet me rivalin e tij politik, Arbjan Mazniku.

Në Fier, Gazment Bardhi do të sfidojë Belinda Ballukun.

Në qarkun e Shkodrës Benet Beci gjen Luçiano Boçin, ish-deputet në Elbasan dhe kandidat për kryetar bashkie në 14 maj 2023.

Niko Peleshi në Korçë, një ekspert fushatash zgjedhore prej disa mandatesh, do të ketë përballë Ivi Kason e PD.

Në Lezhë, Agron Gjekmarkaj sfidohet nga ministri i Drejtësisë, Ulsi Manja, ndërsa në Berat, Eno Bozdo ka për kundërshtar kryebashkiakun Ervin Demo.

Në qarkun e Durrësit socialistët vijnë me një ndryshim në drejtimin e qarkut ku largohet Ardian Çela dhe fushata i besohet kryebashiakes Emirjana Sako e cila ka përballë Oerd Bylykbashin. Ndërsa në Dibër, Blendi Gonxhja gjen Xhelal Mziun.

Tiranë

PS

1-Erion Veliaj

2-Elisa Spiropali

3-Ogerta Manastirliu

PD– Belind Këlliçi

Durres

PS– Emirjana Sako

PD– Oerd Bylykbashi

Shkoder

PS-Benet Beci

PD-Luçiano Boçi

Lezhe

PS-Ulsi Manja

PD-Agron Gjekmarkaj

Kukes

PS– Pandeli Majko

PD– Flamur Hoxha

Elbasan

PS-Arbian Mazniku

PD-Ervin Salianji

Fier

PS-Belinda Ballaku

PD-Gazment Bardhi

Korçe

PS-Niko Peleshi

PD-Ivi Kaso

Berat

PS-Ervin Demo

PD-Eno Bozdo

Vlorë

PS-Bledi Çuçi

PD-Bujar Leskaj

Gjirokaster

PS-Mirela Kumbaro

PD-Tritan Shehu

Dibër

PS-Blendi Gonxhe

PD-Xhelal Mziu