Vendimi i KAS –it në Lozanë, i cili rrëzoi të gjitha vendimet e asamblesë së 10 janarit 2021 të KOKSH-it, duke bërë nul ndryshimet statutore, që i hapën rrugë zgjedhjes së mëvonshme të presidentit Fidel Ylli në drejtim të Komitetit Olimpik Kombëtar Shqiptar, ka bërë që mbledhja e Komisionit të Medias të zhvillohet me debate të forta mes opozitës dhe mazhorancës.
Deputetja demokrate Ina Zhupa e cila drejton këtë komision, denoncoi faktin se kreu i KOKSH – it Fidel Ylli e mban atë post në mënyrë të paligjshme.
Por për presidentin e KOKSH-it, Fidel Ylli vendimi i KAS it në Lozanë nuk ka asnjë vlerë, ndaj sipas tij duhet pritur vendimi i gjykatës së Apelit në Shqipëri.
Debati për vendimin e KAS –it në Lozanë nuk është pritur mirë nga deputetët socialistë të cilët e braktisen mbledhjen në mënyrë të befasishme.
Ndërkohë, Gjykata e Shkalles së parë të rrethit gjyqësor Tiranë, ka refuzuar njohjen dhe rrjedhimisht regjistrimin e Asamblesë së Zakonshme që KOKSH mbajti në mënyrë të paligjshme në 29 maj të këtij viti.
Lexo edhe:
Asambleja e KOKSH-it e pavlefshme, Gjykata e Tiranës refuzon njohjen e vendimeve
Discussion about this post