Makina del nga rruga dhe përplaset me trafikndarësen në Lezhë, dy të plagosur

Një aksident është shënuar mbrëmjen e së hënës në aksin Thumanë – Lezhë, ku një automjet që drejtohej nga një 35 vjeçar ka humbur kontrollin dhe është përplasur me trafikndarësen.

Ngjarja ka ndodhur mbrëmjen e djeshme dhe për pasojë drejtuesi i mjetit dhe bashkëshortja e tij mbetën të plagosur, të cilët janë transportuar në spital për ndihmë mjekësore.

Grupi hetimor ndodhet në vendngjarje dhe po punon për sqarimin e rrethanave dhe shkakut të daljes nga rruga të automjetit.