Duket se edhe deputetja Jorida Tabaku tashmë njeh Sali Berishën si kryetar të Partisë Demokratike, duke pranuar kështu vullnetin e demokratëve.
E ftuar në emisionin “A Show”, Tabaku deklaroi se Berisha është i zgjedhur nga demokratët dhe ka një vendim gjykate që sipas saj, e ka mbyllur këtë çështje një herë e mirë.
Deputetja deklaroi se PD kaloi një 3-vjeçar të vështirë, teksa shtoi se tashmë demokratët janë bashkiuar dhe PD duhett të ecë përpara, duke mos u marrë me me atë çfarë ndodhi.
“Unë jam në PD, kam qenë dhe jam në grupin parlamentar të PD, kisha preferuar kohët e fundit duke shtrënguar dhëmbët duke menduar se ky debat i brendshëm i jepnin kënaqësi dhe kundërshtarit.
Nuk kishte kënaqësi më të madhe për kundershtarin që debati i brendshëm të shkonte në foltoren e Kuvendit. Ka qënë një 3 vjeçar shumë i vështirë i PD dhe jemi në kushtet që PD është bashkuar. Nuk është shuar çdo gjë dhe nuk jemi në kushtet më optimale, por bashkimi ka ndodhur dhe kam kërkuar që të shkojmë me një ofertë politike që ka ndodhur tani.
PD duhet të ecë përpara me dinjitet ashtu si kanë vendosur demokratët drejtë zgjedhjeve që janë shumë të vështira dhe duke mbyllur këtë fazë tranzicioni. Ky bashkim nuk është mekanik dhe ky bashkim po ndodh në terren dhe për shumë demokratë dhe qytetarë ka një prioritet që është ajo që do të ndodhë vitin e ardhshëm.
Berisha është vendosur nga demokratët dhe ka një vendim gjykate që e ka mbyllur këtë çështje një herë e mirë, ne sot duhet të ecim përpara dhe të mos kthehemi më pas.” – deklaroi Tabaku.
Discussion about this post