Ish-ministri i Mbrojtjes Famir Mediu është paraqitur mëngjesin e së mërkurës në SPAK për seancën e radhës ku pritet të dëgjohen ekspertët.
5 ekspertët e pranishëm në seancë kanë nisur t’i përgjigjen 35 pyetjeve që u janë drejtuar nga prokuroret e SPAK dhe avokatët e Mediut.
Bëhet fjalë për ekspertët që kanë hartuar analizën ekonomiko-financiare për Gërdecin. Mediu po gjykohet në GJKKO për çështjen “Gërdeci” për dy akuza atë të “shpërdorimit të detyrës” dhe “shpërdorim i detyrës në bashkëpunim me subjekt ushtarak-kuadër komandues”.
Nga shpërthimi në fabrikën e demontimit të armëve në Gërdec në vitin 2008, humbën jetën 26 persona dhe u plagosën disa të tjerë.
Discussion about this post