Edmond Sulaj ka marrë detyrën e drejtuesit të Drejtorisë Vendore të Policisë Shkodër pas ndërhyrjes së një eksponenti të rëndësishëm të votës së krimit në qytetin verior. Denoncimi u bë këtë të enjte në Kuvend nga kreu i grupit parlamentar demokrat Gazment Bardhi.
Nga foltorja e Kuvendit, Bardhi lexoi disa mesazhe, që sipas tij janë enkriptuar si përgjime nga aplikacioni “SKY ECC” – që sicc kanë dëshmuar hetimet, është përdorur gjegjësisht nga bota e krimit për të komunikuar duke fshehur identitetet reale.
“Si ta quajnë Drejtorin e Policisë së Shkodrës, e di emrin e Drejtorit të Policisë? Ta them unë kush ta ka emëruar!
Kodi pin i Sky ECC “DGLXJM”: O vlla ka llafe për atë mikun tënd ministër të Brendshëm, di gjë ti?
Përgjigjet kodi Sky “7142D9”: Po, por kam frikë se nuk e bën.
Ndërhyn prapë kodi “DGLXJM”: Mua Mondi më duhet një dimër aty vlla!
Mondi në fakt është drejtori aktual i policisë vendore në Shkodër që u emërua vetëm 1 muaj pasi ky miku i eksponentit në fjalë që është përfaqësues i një prej bandave më të rrezikshme në vend, u bë ministër i Brendshëm”, tha Bardhi gjatë një interpelance me kryeministrin Edi Rama, i cili nuk u përgjigj lidhur me këto akuza.
Më tej gjatë seancës, Bardhi zbuloi se porositësi ishte Pëllumb Gjoka, i cili ka marrë statusin e investitorit strategjik nga qeveria dhe aktualisht është pas hekurave për disa akuza penale, mes tyre edhe porosi për vrasje.
Edmond Sulaj u emërua kreu i ri i Drejtorisë Vendore të Policisë Shkodër në Tetor 2023.
Lexo edhe:
Bisedat në SkyECC, drejtori i Policisë Shkodër: Shpifje! Synojnë të cenojnë figurën time
Përgjimet e SKY/ Replikat Hoxha-Bardhi për kreun e Policisë së Shkodrës
Discussion about this post