Ministrja Belinda Balluku dhe kryetari i Bashkisë Benet Beci po nxjerrin jashtë shinave ujësjellësin ndërsa abuzojnë me fondet. Prej kohësh banorët e fshatit Postribë kanë ngritur zërin në protesta se uji i pijshëm është ndotur për shkak të guroreve që bashkia ja lejuar pranë burimit. Zëri i tyre nuk është dëgjuar për një vit rresht, ndërsa kanë vazhduar të konsumojnë ujë të ndotur.
Më në fund Ujësjellës Kanalizime Shkodër, që është në pronësi të Ministria e Infrastrukturës dhe Energjitikës – 51%, Bashkia Shkoder – 36.33% dhe me përqindje m të vogël në varësi të 3 bashkive të tjera, ka reaguar.
UK ka zhvilluar një tender me objekt ‘Rikonstruksion i veprës se marrjes dhe linjës se dërgimit te fshatit Postribe’ dhe fond limit 150 milionë lekë.
Këto para do të hidhen rreth murit rrethues ku buron uji , që mos të ndotet nga shirat dhe depozitimet e shpatit, në asnjë moment nuk përmendet se si do shmanget ndikimi i gurore.
“Kjo vepër marrje ka nevoje për mur rrethues , i cili do te jete 6 metra i larte dhe ne pjesën e sipërme do te mbulohet me solete me trashësi 25 cm. Në mënyrë që të sigurojmë një mbrojtje nga shirat dhe nga depozitimet e shpatit, duhet ndërtuar një mur beton-arme mbrojtës, i cili do të jetë 1 metër i lartë’, thuhet në dokument. 
Tenderi Red Flag
Epo duket se plani për projektin është nënshkruar kuturu, pasi Balluku dhe Beci kanë qenë të fokusuar te përzgjedhja e fituesit. Sepse duhet të zgjedhin kompaninë me ofertë të lartë, që secili prej tyre mund të marrë ndonjë përfitim në fund.
Kështu nga dy operatorë që kanë marrë pjesë në garë, firma LAÇAJ u përjashtua menjëherë për shkak se ka mungesë dokumentacionesh si diplomat e punonjësve dhe dëshmitë që zotëron automjetet e nevojshme.
E drejtë që kompanitë me mungesë dokumentacioni nuk mund të vijojnë garë, por rregulli kërkon që në fazën e para ata të njoftohen për mungesat. Sidomos në rastin konkret kur kishim vetëm dy oferta pjesëmarrëse.
Rregull të cilin Balluku dhe Beci me siguri as nuk e din fare, prandaj pa e zgjatur më shumë më datë 5 gusht ato kanë mbajtur tenderin, pa garë fare prej mungesës së konkurrencës dhe më datë 6 shtator kanë bërë publike kontratën me firmën Ndregjoni SHPK. Kontratë e skuqur me shkelje dhe që mban ‘red Flag’ të vendosur nga Open Data Albania për abuzim.
Gurorja ndot ujin
Edhe tani që u kujtuan për këtë investim kaq të rëndësishëm Balluku e Beci e kanë bërë çdo gjë me fokus abuzim fondesh. Ky është një rast alarmant edhe për faktin tjetër se banorët e Postribës kanë zhvilluar disa Bashkisë së Shkodrës, për shkak të ndotjes së ujit të pijshëm nga një gurore. Ata pritën Benet Becin me pankarta ku shkruhej “Bashkia po na servir helm”, ndërsa kryebashkiaku tha në shkurt të këtij viti se po punohet për një projekt.
“A jetohet me zhurmën e matrapikut”, apo “Bashkia na servir helm”, ishin disa nga parullat që mbanin në duar banorët e Postribës, të cilët për të disatën herë protestuan para bashkisë për shkak të ndotjes së ujit.
Banorët pretendojnë se uji është i ndotur për shkak të veprimtarisë së një guroreje, e cila ka dëmtuar burimin që furnizon fshatin me ujë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post