35-vjeçari Klinti Janollari është vënë në pranga nga efektivët e policisë në Vlorës pasi kishte përshtatur lokalin pëe shitje droge. Policia ka sekuestruar 180 doza kanabisi dhe një shumë parash, që u gjetën në lokal.
“Si rezultat i administrimit të menjëhershëm të informacioneve të siguruara nga inteligjenca policore, në kuadër të megaoperacionit “Tempulli”, për një shtetas që shiste doza të lëndëve narkotike në një lokal në Vlorë, Komisariati i Policisë Vlorë në bashkëpunim me Seksionin për Hetimin e Narkotikëve i DVP Vlorë, finalizoi operacionin policor të koduar “Parts 33”. Gjatë operacionit u arrestua në flagrancë shtetasi K.J., 35 vjeç, banues në Vlorë”, njoftoi policia.
“Nga kontrolli në lokalin në pronësi të shtetasit K.J., shërbimet e Policisë gjetën dhe sekuestruan në cilësinë e provës materiale 180 doza të lëndës narkotike kanabis, gati për shitje, dhe një shumë parash (40 900 lekë dhe 80 euro), të dyshuara të përfituara nga kjo veprimtari kriminale”, shtuan të njëjtat burime.
Discussion about this post