Një ngjarje e rëndë ka ndodhur mbrëmjen e sotme në afërsi të urës në Orikum, ku një 46-vjeçar është përplasur për vdekje. Raportohet se rreth orës 20:20, shtetasi K. C., 32 vjeç, duke drejtuar automjetin “Lexus”, ka përplasur shtetasin D. K., 46 vjeç, i cili ishte duke lëvizur me biçikletë.
Për pasojë e goditjes, 46-vjeçari është dërguar menjëherë në spitalin e Vlorës, por, fatkeqësisht, nuk ka arritur të mbijetojë për shkak të dëmtimeve të rënda.
Drejtuesi i automjetit është shoqëruar në Komisariat për të dhënë deklarata dhe për veprime të mëtejshme, ndërsa grupi hetimor ka nisur punën për zbardhjen e plotë të rrethanave të këtij aksidenti.
Njoftimi i policisë:
Vlorë/Informacion paraprak
Sot, rreth orës 20:20, në afërsi të urës në Orikum, shtetasi K. C., 32 vjeç, duke drejtuar automjetin “Lexus”, ka aksidentuar shtetasin D. K., 46 vjeç, i cili lëvizte me biçikletë. Si pasojë e dëmtimeve të marra, 46-vjeçari ndërroi jetë në spitalin e Vlorës.
Drejtuesi i automjetit u shoqërua në Komisariat për veprime të mëtejshme. Grupi hetimor po punon për zbardhjen e plotë të rrethanave të aksidentit.
gijotina.com/
Discussion about this post