Durrësi është përfshirë nga moti i keq ditën e sotme, teksa stuhitë e erërave dhe reshjet e shiut kanë krijuar problem te qytetarët dhe qarkullimi i anijeve.
Pamjet që vijojnë nga qyteti tregojnë rrugët e mbuluara nga uji. Lidhur me situatën përfaqësues të opozitës kanë akuzuar institucionet vendore për neglizhencë të situatës.
Ndërkohë, tragetet nga Durrësi drejt Barit u nisën me 8 orë vonesë për shkak të dallgëve që shkonin 6 deri 7 ballë në detin Adriatik. Lundrimi është ndërprerë për anijet e peshkimit, teksa gjatë 24 orëve në vijim pritet përmirësimi i kushteve të motit.
“Pas njoftimit për shtyrjen e lundrimeve nga Porti i Durrësit drejt Barit, si pasojë e kushteve të përkeqësuara të motit ditën e djeshme dt. 03.10.2024, kompanitë e lundrimeve bëjnë të ditur se tragetet e linjës Durrës-Bari dhe anasjelltas kanë rinisur lundrimet në të dyja anët e Adriatikut. Trageti “AF Francesca” ka lundruar drejt Barit ditën e djeshme rreth orës 23:30 Trageti “AF Francesca” ka rinisur lundrimin ditën e sotme nga Porti i Durrësit rreth orës 5:50 Ndërkohë nga Porti i Barit kanë rinisur gjithashtu lundrimet mëngjesin sotëm dt.04.10.2024 rreth orës 7:00, nga ku është nisur trageti “Rigel III” i planifikuar për nisje mbrëmjen e djeshme Do ju mbajmë të informuar për çdo zhvillim në orët në vijim”, njofton Autoriteti Portual Durrës.
Discussion about this post