Mediat italiane e bëjnë fakt të kryer kalimin e Masimiliano Allegrit tek skuadra e Juventusit. Nga raportimet e fundit, mësohet se Alegri do të jetë pjesë e bardhezinjve deri në verën e vitit 2025, duke firmosur për 4 vite, kontratë mjaft afatgjatë për një trajner. Në aventurën e mëparshme ai qëndroi 5 vite me Juventusin dhe fitoi 5 tituj kampion.
Këtë mbrëmje, ose nesër mund të vijë zyrtarizimi i largimit të Andrea Pirlos dhe lancimi i marrëveshjes me 53-vjeçarin, një nga trajnerët më të suksesshëm italianë të viteve të fundit. Mesohet se livornezi do të përfitojë rreth 9 milionë euro në sezon dhe do të ketë dorë të lirë në merkato.
