Koreja e Veriut ka hedhur në erë pjesët veriore të rrjetit rrugor ndërkorean që nuk ishin më në përdorim. Lajmi u bë i ditur nga Komanda e Shefave të Përbashkët të Shtabit në Seul duke shtuar se shpërthimi ka ndodhur rreth mesditës. Lëvizja, e njoftuar disa ditë më parë, është një shenjë e mëtejshme e tensionit në rritje midis Seulit dhe Phenianit.
Ndryshe nga herët e tjera, niveli i tensionit mes dy Koreve duket se është në nivele alarmante. Rrugët e hedhura në erë nga ushtria e Koresë së Veriut ishin përdorur më parë për tregtinë ndërkufitare me Korenë e Jugut.
Agjencia e lajmeve Yonhap raportoi se ushtria e Koresë së Jugut qëlloi disa të shtëna në përgjigje të shpërthimeve të Veriut që shkatërruan pjesë të dy rrugëve të rëndësishme ndër-koreane në territorin e saj.
Discussion about this post