Ditën e sotme ka patur zëra për një marrëveshje mes trajnerit Tomas Tuchel dhe kombëtaren së Anglisë. Rreth lajmeve të ndryshme që qarkullojnë, ka folur edhe sulmuesi i britanikëve, Harry Kane.
“Derisa të bëhet zyrtare, padyshim që nuk mund të komentoj, por do të duhet të presim dhe të shohim. Natyrisht që e njoh mirë Thomasin nga viti i kaluar te Bayern. Trajner fantastik, person fantastik” – tha ai.
Federata e Futbollit të Anglisë është në bisedime me Thomas Tuchel dhe mund ta konfirmojë së shpejti emërimin e tij si përzgjedhësi më i ri i Anglisë sipas Sky Sports.
Siç ka raportuar Sky Sports, FA janë momentalisht duke negociuar kushtet e kontratës së Tuchel së bashku me përfaqësuesit e tij.
Është bërë me dije se Anglia mund ta konfirmojë emërimin e gjermanit në stol së shpejti pasi ai është kandidati kryesor për ta zëvendësuar Gareth Southgaten.
Në ndërkohë The Times kishte raportuar të hënën se Federata gjithashtu ka bërë kontakte edhe me Pep Guardiolën, por që ai nuk u ishte përgjigjur kërkesës së tyre.
Përzgjedhësi i përkohshëm i Anglisë, Lee Carsley, la në dyshim të ardhmen e tij pas humbjes ndaj Greqisë javën e kaluar duke thënë se shpreson të rikthehet në menaxhim të grupmoshave U21.
Tuchel i cili ka mbetur i papunë që prej se u shkarkua nga Bayern Munichu, është lidhur me një kalim të mundshëm edhe tek Man United, por siç duket në fund do të përfundojë tek Anglia.
gijotina.com/
Discussion about this post