Shpallet fajtor ish-gjyqtari i Kushtetueses, Fatos Lulo/ Dënohet me punë në komunitet

Gjykata e Posaçme shpalli fajtor ish-gjyqtarin e lartë, Fatos Lulo, për veprën penale të “fshehjes e mosdeklarimit të pasurisë”.

Lulo u dënua me 9 muaj burg, por nuk rrezikon vajtjen në qeli, pasi dënimi u konvertua në 80 orë pune në interes të publikut.

SPAK kërkoi dënimin me 1 vit burg për ish-gjyqtarin e Kushtetuese, Fatos Lulo, i akuzuar për “fshehje të pasurisë”.

Sipas SPAK, Lulo ka bilanc negativ të të ardhurave në dy pasuri, një apartament në Tiranë dhe në një zyre 172 m2 e deklaruar si e dhuruar në Rrugën e Durrësit.

Ish-anëtari i Gjykatës Kushtetuese, Fatos Lulo ishte magjistrati i parë që iu nënshtrua procesit të vetingut dhe gjithashtu i pari që humbi vendin e punës për shkak se Komisioni i Pavarur i Kualifikimit arriti në përfundimin se pasuria e tij qindra mijëra euroshe nuk mund të justifikohej me burime të ligjshme. Ai u shkarkua nga detyra më 23 mars të vitit 2018.