Ilir Daja nuk do të jetë më trajner i Partzanit vitin e ardhshëm, pas rezultateve zhgënjyese gjatë pjesës së parë të kampionatit. Klubi dhe tekniku kanë vendosur të ndërpresin kontratën mes tyre.
Ekipi është drejtuar në stërvitjen e sotme nga Renaldo Kalari, teksa ende nuk ka një emër konkret se kush mund ta marrë drejtimin e të kuqve në vazhdim. Emri më i përfolur ka qenë ai i Skënder Gegës, ndërsa edhe faqja e tifozëve “Ultras Guerrils” kishte postuar më parë një foto ku kërkonte rikthimin e tij.
Më vonë ka qenë edhe ish-sulmuesi i Partizanit, Jasir Asani ai që ka bërë gjithashtu thirrje për Gegën.
“Profesor, ti e di kush është Partizani sepse ti e riktheve lavdinë S.G”, shkruan ai në një postim, ku ka vendosur një foto të tij me Gegën.
Edhe Asani është në radhët e atyre që kërkojnë rikthimine Gegës, pasi ai i çoi drejt titullit kampion, kur sulmuesi ishte ende në radhët e të kuqve.
Discussion about this post