Real dhe Barcelona kanë një avantazh: Haaland do vetëm La Liga-n

Earling Haaland është ëndrra e shumë skuadrave të mëdha në futbollin evropian, por sulmuesi norvegjez ka si synim vetëm kampionatin spanjoll.

Verën e ardhshme Barcelona dhe Real Madrid do të garojnë me Man.City, Bayern e Liverpool për shërbimet e tij, por gjigantët spanjoll duket se kanë një avantazh.

Sipas informacioneve nga gazetari italian Gianluca Di Marzio, sulmuesi norvegjez do që të luajë në Spanjë.

“Earling Haaland nuk e pëlqen Premier Leaguen aq sa La Liga. Në fakt, liga angleze nuk është ndër ëndrrat e norvegjezit, i cili preferon të luajë në Spanjë”, komentoi gazetari.

Kujtojmë që pak kohë më parë, agjenti i Haaland, Mino Raiola zbuloi se sulmuesi do të largohet verën e ardhshme nga Dortmun për te një klub i madh, ku përmendi Realin, Barçën, Bayern e Manchester City.

Së fundi u zbulua edhe klauzola e tij tek Dortmund, që varion nga 75 milionë euro, një shifër e përballueshme për shumë klube europiane.