Performanca e tij në fushë është e jashtëzakonshme, një makineri golash për The Citizens; bëhet fjalë për Erling Haaland, i cili, sipas Transfermarkt, vlen më shumë se të gjithë. Norvegjezi qëndron në krye të piramidës së Evropës sa i përket vlerës si futbollist, e cila përllogaritet në 200 milionë euro. Në rinovimin e fundit të statistikave, performancës së lojtarëve, por dhe vlerave të tyre, nordiku renditet i pari, duke parakaluar Bellingham, që renditet i treti, ndërsa në vendin e dytë është braziliani Vinicius Junior.
Kujtojmë se muaj më parë, lojtari që vlerësohej më së tepërmi në botën e futbollit ishte mesfushori britanik i Realit të Madridit, por vlera e tij ka rënë ndjeshëm. Mbappé qëndron në vendin e katërt, ndërsa surprizë mund të konsiderohet ndjekësi më i afërt i tij, Lamine Yamal. Ylli blaugran vlen sot 150 milionë euro, po aq sa Foden i vendit të gjashtë.
Më tej vijnë lojtarë si Saka, Wirtz, Musiala e Valverde. Rënie të ndjeshme kanë dyshja Messi-Ronaldo, që tani, siç dihet, janë në fundin e karrierës, me argjentinasin që vlen 25 milionë euro, ndërsa luzitani 15 milionë euro. Ditët në vijim pritet të konfirmohet dhe fituesi i Topit të Artë, ku pretendent kryesor është braziliani Vini Jr.
Discussion about this post