Dushan Vlahovic do të qëndrojë te Fiorentina deri në qershor sipas “AS”. Gazeta spanjolle citon burime pranë sulmuesit serb, i cili tashmë ka folur me klubin italian duke shpjeguar dëshirën e tij për të mos u larguar gjatë merkatos dimërore.
Kontrata e tij do të skadojë në vitin 2023 dhe mund të largohet në janar vetëm nëse do të arrinte një ofertë midis 80 dhe 95 milionë euro.
Ndërkohë, shumë klube europiane kanë shfaqur interes për 21-vjeçarin, duke filluar nga Atletico Madrid. Arsenali gjithashtu mund t’i ofrojë Fiorentinës 85 milionë.
Edhe Barcelona nga ana tjetër, e sheh si një mundësi serbin, në rast se nuk arrin të marrë Haaland. Megjithatë, pagesa që ai kërkon, 10 milionë euro neto në sezon, i komplikon planet e klubit katalanas.
Discussion about this post