Ka përfunduar ndeshja e javës së 19-të në Premier Ligën angleze mes Newcastle dhe Manchester United.
Ky takim ishte i shtyrë si pasojë e situatës së krijuar nga Covid-19 dhe ditën e sotme u zhvillua, ku të dyja skuadrat nuk mundën të shkojnë përtej barazimit 1-1.
Të zotët e shtëpisë ishin të parët që kaluan në avantazh në minutën e 7’ falë golit të Sain Maximin.
Formacioni i ‘djajve të kuq’ kishte në krye të sulmit Cristianon dhe Greenwood, por shpëtimtari i kësaj ndeshje do të ishte Cavani, i cili në minutën e 71’ arriti të rithejë barazpeshën në fushë.
Në përfundim të kësaj përballje, Manchester United pozicionohet në vendin e 7 të renditjes së përgjithshme me 28 pikë, po aq sa West Ham dhe vetëm një pikë më pak se Tottenham i vendit të pestë.
Kjo nuk është ndeshja e fundit për Unitedin e Cristianos për këtë vit, pasi data 30 ka rezervuar sfidën me Burnleyn e zonës së kuqe të tabelës, një ndeshje e lehtë në letër, por e mirëadministruar mund të përmirësojë pozitën e djajve në renditjene fundvitit.
Discussion about this post