Ngjarje e rëndë në Maliq, babai godet me thikë djalin e tij të mitur: Shko në shkollë…

Një ngjarje e rëndë ka ndodhur në fshatin Vreshtar, të Maliqit.

Paraditen e sotme rreth orës 10:45 minuta, babai ka qëlluar me thikë djalin e tij 15 vjeç, pas një zënke familjare për motive të dobëta.

Adoleshenti ndodhet në spital jashtë rrezikut për jetën, thotë policia.

Ndërkohë është zbardhur dëshmia e babait i cili goditi me biçak djalin e tij 15-vjeçar pas një sherri mes tyre.

“Me djalin u konfliktova se nu k donte të shkonte në shkollë, unë i thoja ik se vajti ora, ai rrinte në telefon. Ishim duke u grindur sepse nuk po më dëgjonte, nuk donte të shkonte në shkollë.

I thashë disa herë dhe më pas kisha një biçak në dorë dhe e godita”, tha Shpëtim Çuka.

Njoftimi i policisë

Rreth orës 10:45, në fshatin Vreshtas, shtetasi Shpetim Cuka ka goditur me mjet prerës (thikë), djalin e tij 15 vjeç, për motive të dobëta.

15-vjeçari po merr mjekim në spital dhe është jashtë rezikut për jetën.

Shtetasi Sh. C. është shoqëruar në Komisariat, për kryerjen e veprimeve procedurale.

Grupi hetimor po punon për zbardhjen e rethanave të rastit.