Sali Berisha akuzoi kryetaren e Kuvendit, Elisa Spiropali, se e ftoi ambasadorin e Bashkimit Europian, Silvio Gonzato, që ta dorëzonte të enjten progresraportin për Shqipërinë, që t’i ndodhte ndonjë incident meqë para Kuvendit po protestonin deputetët e opozitës.
“Ajo që ndjej keqardhje, ambasadori ishte i ftuar sot dhe nuk mund të mos e them, të dorëzojë raportin e Komisionit Europian ditën kur parlamenti ishte në seancë plenare. I rikujtoj zotërisë së nderuar, se kjo kurrë nuk ka ndodhur. Raportet janë paraqitur në selinë e parlamentit, por këtë kurth e organizoi zonja Spiropali thjeshtë duke shprehur se do të gjendej ndonjë patronazhist aty, siç ndodhi me Bejlerin, për të ju vërsulur ambasadorit Gonzato, por kjo nuk ndodhi”, tha Berisha.
“Ai kreu detyrën e tij, hyri nga dera kryesore, mbaroi punë dhe doli. Kështu ata që përcaktuan se me këtë kurth të realizonin ndonjë skenar të turpshëm siç ishte ai me Fredi Belerin, që e agresuan në detyrë te dera e parlamentit, kësaj radhe dështuan”, shtoi ai.
Discussion about this post