Nuk kishte se si të shkonte më keq hetimi parlamentar i koncesioneve Check up dhe Sterilizimi! Në fazën më të rëndësishme të dëgjesave, atë me ministra e ish ministra, hetimi parlamentar për qeverinë, u udhëhoq nga i një person që është nën hetim nga SPAK për korrupsion. Socialisti Plarent Ndreca e mori drejtimin në mungesë të kryetares demokrate Albana Vokshi.
Përballë tij, ministrja e Shëndetësisë, Albana Koçiu ishte komode, edhe për të konsideruar vlerë të shtuar në shëndetësi dy koncesionet e check-up dhe sterilizimit.
“Nga marrja e detyrës jam njohur me kontratat koncesionare, janë të rëndësishme, vlerë e shtuar për shërbimin shëndetësor”, thotë Koçiu.
Pyetjeve të deputeteve të opozitës, Koçiu iu përgjigj duke vlerësuar se qëllimet kryesore të koncesioneve janë arritur.
“Për kontrollet (check-up) është një sfidë e përbashkët e shoqërisë për t’i kryer këto kontrolle, kemi dyfishim të nr të qytetarëve, e ka arritur qëllimin e saj kryesor të sensibilizojë popullatën”, shton ministrja.
Komisioni Hetimor në Shëndetësi u shty me dy javë afat për zhvilluar dëgjesat më të rëndësishme që mbyllen me dëshminë e Ilir Beqaj, që do të lërë për pak orë qelinë për të shkuar para ish kolegëve në parlament.
gijotina.com/
Discussion about this post