Ish-kreu i PD-së Lulzim Basha ka komentuar për herë të parë hetimet e SPAK për dosjen e ’21 Janarit’.
I pyetur nga gazetarët në nisje të seancës plenare, nëse i ka shkuar thirrja për të dëshmuar në SPAK, Basha tha se nuk ka marrë akoma ftesë.
Më tej ai theksoi se është në dispozicion të SPAK.
“Jo deri në këtë momente jo, por jam në dispozicion të SPAK. Duhet të marrë fund epoka e imunitetit parlamentar. Kemi vendosur para Parlamenti edhe propozimin për të hequr imunitetin e deputetëve. Mbahet i kyçur në sirtar. Heqja e imunitetit parlamentar do të thotë ti hiqet mundësia njerëzve si Arben Ahmetaj të arratisen”, tha Basha.
Nëse pyetjes në se ka frikë nga hetimet e SPAK, Basha iu përgjigj se frikë duhet të kenë ata që shkelin ligjin. “Për 21 janarin ose çështje tjetër, frikë duhet të kenë ata që kanë shkelur ligjin. Unë kam zbatuar gjithmonë ligjin“, tha ai.
Discussion about this post