Gjendet i plagosur me thikë pranë një qendre tregtare, çfarë dyshohet

Një person është gjetur i plagosur me thikë në rrugën dytësore të autostradës Tiranë-Durrës pranë një qendre tregtare.

Nga raportimet paraprake mësohet se personi është vetëplagosur.

Policia ka shkuar në vendngjarje për të zbardhur dinamikën dhe për të zbuluar rrethanat e ngjarjes.

Njoftimi

Më datë 07.11.2024, rreth orës 10:45, në autostradën Durrës Tiranë, dyshohet se është vetëdëmtuar me mjet prerës shtetasi B. H., rreth 60 vjeç, i cili është dërguar në spital dhe aktualisht ndodhet në kujdesin e mjekëve.

Grupi hetimor po punon për sqarimin e rrethanave të ngjarjes.