Studiuesi Auron Tare ka rrëfyer një episod nga njohja e tij me një ish-ambasadore amerikane në Shqipëri, përmes të cilit solli kontrastin mes ndikimit që diplomatja kishte në Tiranë dhe pozicionit të saj në administratën amerikane.
Ai rrëfeu se kishte kërkuar të takohej me diplomaten për të pirë një kafe dhe ajo e kishte ftuar në Departamentin ku punonte. Aty, sipas përshkrimit të Tares, ambasadorja kishte një zyrë të vogël, në fund të një korridori të gjatë dhe pranë tualetit.
“Nuk po ia them emrin, por ka qenë një zonjë këtu, ambasadore, unë kam pasur miqësi me të. Ka qenë një ambasadore e cila çfarë thoshte në Tiranë, në përgjithësi bëhej.
Kur kam qenë para disa vitesh në Washington, i thashë dua të pimë një kafe dhe më tha hajde në departament, se aty punonte, dhe kur u futa, ishte një korridor i gjatë, shumë i gjatë, dhe në fund të korridorit në një zyrë shumë të vogël, afër tualetit, ishte edhe ambasadorja amerikane në Shqipëri. Ky është edhe interesi amerikan për Shqipërinë”, tha Tare .
Discussion about this post