Deputeti i Partisë Demokratike, Dashnor Sula, veshjen e të burgosurit, me të cilin u paraqit në Kuvend ia vendosi në tavolinë, ministrit të Drejtësisë, Ulsi Manja, për ta iniciuar, siç tha ai, që të bëjnë një tender për veshjet e të burgosurve.
Nga Kuvendi, Sula deklaroi se në të gjithë botën të burgosurit vishen me uniformë, ndërsa në Shqipëri vishen me rrobat e shtëpisë.
“Në të gjithë botën të burgosurit kanë uniformën e tyre, ndërsa të burgosurit tanë janë me rrobat e shtëpisë. Po i jap shansin qeverisë që siç bëri tenderin 350 euro një kapele, bëni një tender edhe që të burgosurit të vishen të shkretët me Hugo Boss. Unë këtë veshje që përdora do t’ja jap ministrit të Drejtësisë, që të iniciojë dhe për ata ndonjë tender”, tha Sula.
Më tej, deputeti demokrat shtoi: “Ju po të kishit moral nuk e vendosnit sot datën për buxhetin faktik. Po ju them miqësisht, ne nuk kemi hall, hall keni ju. Tmerri juaj është gropa e inceneratorëve, tmerri është Arben Ahmetaj, tmerri juaj është Encrochat dhe Sky ECC që flisni me kriminelet”.
Discussion about this post