Covid-19 është kthyer në një problem për Napolin, pasi një nga lojtarët ka rezultuar pozitiv. Bëhet fjalë për Hirving Lorenzo, i cili do e kalojë periudhën e izolimit në shtëpi.
“Hirving Lozano rezultoi pozitiv për Covid-19 pas një tamponi molekular të kryer në Meksikë – tha klubi napolitan me një postim në rrjetet sociale -lojtari është vaksinuar me të dyja dozat, është asimptomatik dhe do të respektojë periudhën e izolimit në shtëpi”.
Napoli do të përballet me Juventusin në 6 janar, ndë ndeshjen e parë të vitit të ardhshëm dhe shkon në këtë sfidë edhe me mungesën e Lorenzo Insigne dhe Fabian Ruiz. Mungesa të tjera të rëndësishme për Spallettin janë edhe Osimhen, Koulibaly, Anguissa, Ounas dhe Mario Rui.
Discussion about this post