Guvernatori i rajonit të Valencias Carlos Mazòn që u godit nga përmbytjet pranoi se janë bërë gabime në menaxhimin e fatkeqësisë së fundit natyrore duke kërkuar falje.
“Nuk ka asnjë referencë apo përvojë të mëparshme që mund të krahasohet me fatkeqësinë e fundit. E gjithë kjo tani shpjegon pse ekzistonte një ndjenjë e “përhapur” se ndihma nuk po arrinte ose ishte e pamjaftueshme. Për këtë arsye, unë dua t’u kërkoj falje atyre që u ndjenë kështu, sepse megjithëse protokollet e hartuara u zbatuan, ato nuk ishin të mjaftueshme.”
Teksa dha shpjegime për atë që ka ndodhur, ai propozoi edhe krijimin e një komisioni hetimor dhe i kërkoi qeverisë qëndrore një fond prej 31 mln Euro për rindërtimin e Valencias.
Ndonëse pranoi përgjegjësitë guvernatori i Valencias Carlos Mazòn nuk pranoi të jepte dorëheqjen.
Fjalët e para të Mazon ishin “ngushëllime për familjet e viktimave dhe të zhdukurve nga përmbytja më e rëndë që nga viti 1962”.
Ndërkohë jashtë ndërtesës së Parlamentit u mblodhen qindra protestuar duke kërkuar largimin e Guvernatorit.
Numri i përgjithshëm i viktimave për shkak të përmbytjeve të 29 Tetorit që prekën Spanjën mbetet në 224. Dhumica prej tyre ishin të moshës mbi 70 vjeç.
Discussion about this post