Ideja e Superligës Europiane nuk arriti të jetojë më shumë se disa ditë, pasi pjesa më e madhe e klubeve që morën pjesë në të, u tërhoqën menjëherë.
Real Madrid, Barcelona dhe Juventus janë të vetmet që nuk kanë hequr dorë ende nga projekti, por UEFA e ka bërë të qartë se nuk e aprovon dhe e ka kundërshtuar prej fillimit.
Presidenti i UEFA-s, Aleksander Ceferin ka sulmuar kompeticionin dhe e ka quajtur përfundimisht të mbyllur në deklaratë të shpërndarë në rrjetet sociale.
“Përpjekja fatkeqe prillin e kaluar për të nisur një Superligë të mbyllur, e cila u fokusua vetëm në mbushjen e llogarive bankare të disa klubeve, kërcënoi vlerat që qëndrojnë në qendër të modelit sportiv europian dhe misionit të UEFA-s. Zhdukja e saj, e nxitur nga dënimi politik dhe popullor nga i gjithë kontinenti, ishte fitorja jonë më domethënëse e përbashkët në vitin 2021”, tha Ceferin.
Discussion about this post