Vrasja e djalit të ish-gjyqtarit, zbardhet itinerari i mjetit të autorëve

Detaje të reja mësohen nga ekzekutimi i Klaudio Prendit në rrugën “Xhanfize Keko”, rreth orës 00:36.

30-vjeçari u qëllua me breshëri plumbash sapo doli nga lokali.

Makina e autorëve, sipas burimeve policore, ka ardhur nga rruga e Freskut.

Sapo i riu ka dalë nga lokali dhe është futur në makinën e tij, autorët e kanë qëlluar dhe plumbat e kanë kapur në kokë dhe kraharor.

Menjëherë autorët janë larguar me shpejtësi drejt qendrës.

Shokët e viktimës dalë kanë me vrap nga lokali, kanë hipur në makinën e viktimës tip “G Class: dhe janë nisur drejt spitalit të Traumës.

Klaudio Prendi raportohet se kohët e fundit kishe disa sherre me persona të tjerë, konflikte që po hetohen nga policia.

Sakaq, rreth orës 01:05, në afërsi të Liqenit të Farkës është konstatuar duke u djegur një mjet tip “Audi”, i cili dyshohet se i përket autorëve.

Ndërsa arma nuk është gjetur në makinë.