Pas takimit të konsultave me presiodentin e Republikës për caktimine datës së zgjedhjeve parlamentare që do të mbahen vitin e ardhshëm, Sekretari i Përgjithshëm i PL-së, Tedi Blushi tha se janë të gatshmë të pranojnë çdo datë tjetër zgjedhjesh, veç asaj të paracaktuar nga Balla.
Sipas Blushit, është moment që presidenti Begaj të tregojë pavarësi në caktimin e datës së zgjedhjeve, dhe jo të shërbejnë si një noter i dytë i mazhorancës.
Blushi ndër të tjera vuri në dukje se presidenti ende nuk kishte një qëndrim zyrtar, lidhur me arrestimin e ish-paraardhësit të tij, Ilir Meta, në mënyrë banditeske e të dhunshme nga banda e qeverisë.
“Lidhur me datën e zgjedhjeve, qëndrimi i PL ishte që është e pranueshme çdo datë veç asaj të caktuar nga Taulant Balla. Kjo është një mundësi edhe për institucionin e presidentit për të treguar pavarësi nga pretendimi se ky institucion mund të jetë kthyer në një noter të 2 të mazhorancës, pas Kuvendit. S’mund të jetë një datë që është paracaktuar nga Balla.
Së bashku ne Erisa Xhixho shprehem shqetesimin për mungesën e reagimit në mbrojtje të ish presidentit, që gëzon status të veçantë mbrojtjeje nga shteti. Ky duhet të ishte i pari që dënonte me forcë rrëmbimin kriminal e banditesk, me banditë me maska që ushtruan dhunë ndaj ish presidentit.
Kjo protestë do mbahet, sot do të mbledhim një tjetër forum për të caktuar datën. Protestat periodike para SPAK, që është shëndërruar një strukturë kriminale që shërben si hanxhar në duart e Ramës për të asgjësuar opozitën e vërtetë dhe pluralizimin, që me masa ekstreme ka izoluar ish-presidentin, liderin e opozitës dhe po bën çdo përpjekje për të minuar çdo proces të rregullt ligjor, për të vijuar qëndrimin në pushtet të këtij regjimi. Po vepron në mënyrë kriminale e banditeske kundër opozitës. Shërben për të thelluar padrejtësinë, krimin dhe mosndëshkimin skizofrenik të kësaj qeverie”, u shpreh ai.
Discussion about this post