Një ngjarje e rëndë ka tronditur Kosovën. Ngjarja ka ndodhur në Mitrovicë, ku gjatë një grabitje me armë, hajdutët kanë qëlluar mbi pronarin e lokalit, i cili ka vdekur më pas në spital.
Detaje për grabitjen ka dhënë edhe zëdhënësi i Policisë së Kosovës për Rajonin e Mitrovicës, Avni Zahiti. Ai ka thënë se nga hetimet fillestare bëhet e ditur se dy persona të dyshuar e të maskuar nën kërcënimin e armës kanë tentuar të grabitin viktimën i cili ndodhej në dyqanin e tij. Si pasojë e të shtënave nga të dyshuarit në drejtim të pronarit, viktima ka mbetur i plagosur.
Lajmin për vdekjen e pronarit e ka konfirmuar zëdhënësja e Spitalit të Mitrovicës, Nita Mustafa-Hakaj. Dy të dyshuarit janë arrestuar. Një grup hetimor i ngritur për këtë rast po zbardh rrethanat e ngjarjes. Policia ka bërë me dije se për këtë rast janë arrestuar dy të dyshuar, derisa në vendin e ngjarjes janë gjetur dhe konfiskuar arma e përdorur në rast dhe dy gëzhoja.
Discussion about this post