Detaje të reja janë zbardhur nga arrestimi i dy personave që policia ka bërë për vrasjet e Albi Bashaliut. Mësohet se, dy personat e arrestuar, Veiz Bashaliu dhe Mikel Xhaja janë përkatësisht djali i xhaxhait dhe fqinji i tij.
Ata janë arrestuar sot nga policia pasi dyshohet se kanë ndihmuar autorët e krimit. Këta persona kanë veprime aktive për të fshehur rrethanat e ngjarjes dhe kanë penguar aktivisht organet e Policisë, për t’u informuar për ngjarjen, rrethanat si ka ndodhur dhe motivin.
Albi Bashaliu u vra mëngjesin e 27 dhjetorit në fshatin Gjocaj të Peqinit. 32-vjeçari ishte në lokal, dikush e thirri në emër nga jashtë, dhe më pas autorët e kanë qëlluar menjëherë.
Bashaliu, është një emër i njohur për policinë, pasi i në vitin 2017, u arrestuar për një atentat të dështuar ndaj dy personave. 32-vjeçari akuzohet se qëlloi me breshëri arme ndaj dy personave që udhëtonin me makinë. Një ndër pistat që po hetohet është ajo e hakmarrjes që lidhet me të shkuarën e vëllait të viktimës, i cili ndodhet në burg për vrasje.
Discussion about this post