Sulmuesi i përfaqësueses së Kosovës, Edon Zhegrova, luajti vetëm 18 minuta në fitoren 1-2 të Lille në transfertën e Bologna-s, mbrëmjen e së mërkurës në Champions League.
“Dardani” e nisi këtë ndeshje nga stoli, ndërsa nuk ishte në gjendjen e tij optimale, për shkak të dëmtimit të pësuar në sfidën e fundit në kampionatin e Ligue 1, ndaj Rennes.
Në një reagim të bërë në rrjetet sociale pas ndeshjes, sulmuesi 25-vjeçar u shpreh i lumtur për fitore, por foli edhe për dëmtimin.
“Çfarë fitore e madhe sonte. Krenar me këtë ekip. Një lëndim i lehtë, por do të jem në 100% tim shumë shpejt”,– shkroi Edon Zhegrova.
“Dardani” po kalon një sezon vërtetë shumë të mirë me ekipin e Lille, duke realizuar 4 gola në Champions League, tri prej tyre në kualifikuese dhe një në fazën e ligës, por edhe 4 në Ligue 1.
Forma e tij e shkëlqyer ka tërhequr vëmendjen e gjigantëve europian siç janë Milan, Juventus, Napoli dhe Roma në Itali, por edhe të klubeve spanjolle.
Discussion about this post