Shkodranët në protestë për ujë të pijshëm, administratori tallet: Ka edhe më keq

Banorët e  njësisë administrative, Postribë kanë dalë në një protestë ku kanë denoncuar problemin e ndotjes së ujit të pijshëm. Ata tregojnë se  është e njëjta situatë sa herë që bie shi dhe askush nuk ka shkuar t’iu jap një zgjidhje.

Në lidhje me këtë çështje ka reaguar administratori i njësisë administrative Postribë, Altin Shabaj. Gjatë një interviste televizive ai ironizuar situatën dhe është tallur hapur me banorët, duke thënë se ka edhe më keq se ky fshat, pasi në fshatra të tjerë shkon uji i pijshëm vetëm 1 orë në ditë.

“Përsa i përket problematikës për të cilën banorët e Postribës protestuan ditën e sotme, mund të them se nuk është një problematikë e re por ka disa vite që e vuajnë këtë problem. Ky problem është evidentuar që në fillim kur është ndërtuar ujësjellësi. Sa herë që bie shi, uji turbullohet. Një pjesë të problematikës e kam ndjekur vetë duke qenë në dispozicion të banorëve”, madje pa mbajtur asnjë përgjegjësi, ai tha hapur se nuk pritet të ketë asnjë investim nga Bashkia Shkodër për këtë çështje.