Vrasja në Tiranë, autori kunati i Altin Hajrit

Një person ka mbetur i vrarë me armë zjarri brenda një lokali në Ndroq të Tiranës.

Policia mbërriti në vendngjarje dhe njoftoi se është vënë në ndjekje të autorit që qarkullonte me një automjet tip “Benz ML”, me ngjyrë të zezë. Ai është identifikuar si Julian Gjoshi, 27 vjeç, nga Shijaku, me precedentë të mëparshëm penalë për armëmbajtje pa leje.

Gjithashtu Gjoshi rezulton se është njëkohësisht edhe kunati i Altin Hajrit (vëllai i gruas së Hajrit), pronarit të kompleksit “Golden” në Shijak, i kërkuar për rrëmbimin dhe zhdukjen e Jani Prengës në Janar 2020 në Kamëz dhe lidhje e afërt gjithashtu me deputetin e arrestuar Jurgis Çyrbja, i cili i jepte sekrete hetimore që të mos arrestohej gjatë kohës që ishte në kërkim.