Një shqiptar është arrestuar nga policia italiane, pasi akuzohet për vjedhje. Mediat e huaja bëjnë të ditur se shqiptari po udhëtonte me një makinë Fiat, e cila më pas rezultoi se ishte e vjedhur. Gjithashtu teksa policia i ka ndaluar për t’i kontrolluar shqiptari dhe dy pasagjerë që ndodheshin me të janë larguar me makinë, por janë përplasur me një shtyllë ndriçimi publik.
Më pas policia ka arritur të bllokojë dhe arrestojë 37-vjeçarin shqiptar, ndërsa dy bashkëpunëtorët e tjerë që ishin në mjet janë arratisur. Po ashtu brenda makinës u gjetën mjete të përshtatshme për vjedhje, duke përfshirë një çelës, çelësa të falsifikuar dhe një pajisje elektronike të aftë për t’u lidhur me njësitë e kontrollit të makinave për të ndryshuar sistemet e tyre të kyçjes dhe ndezjes.
Në vendngjarje është kërkuar ndërhyrja e personelit të zjarrfikësve për të rivendosur kushtet e sigurisë në lidhje me shtyllën e ndriçimit publik të dëmtuar rëndë. Gjatë fazave të tensionuara të arrestimit, një operator i Skuadrës Policore ka pësuar dëmtime që gjykohet se mund të shërohet në 4 ditë.
Discussion about this post