U ekzekutua brenda lokalit në Ndroq, trupi i pajetë i Alfred Dedjas dërgohet në morg

Disa orë pas ekzekutimit të tij në një lokal në Ndroq, trupi i pajetë i Alfred Dedjas është tranportuar drejt morgut.

Siç shihet edhe nga fotot grupi hetimor dhe ekspertët ka marrë trupin e pajetë të 50-vjeçarit për ta çuar drejt morgut ku do të kryhen veprimet e tjera proceduriale dhe ekzaminimet mjeko-ligjore.

Ekspertet e kriminalistikës dhe policia ndodhen në vendin e ngjarjes ku kanë bërë këqyrjen paraprake të vendngjarjes.

Të veshur me kostumin e bardhë të ekspertit dhe të ndihmuar nga efektivë civilë, punonjësit kanë tranportuar me barelë trupin e pajetë te Dedjas.

Viktima është mbuluar me çarçaf të bardhë ndërsa siç shihet nga fotot është futur në mjet dhe është dërguar në morg. Në lidhje me vrasjen është identifikuar autori 27-vjeçar Julian Gjoshi.

Pas ngjarjes ai është arratisur me një “Benz” të zi. Sipas raportimeve ngjarja ka ndodhur pas një sherri në lokal. Autori është futur në lokal dhe është ulur përballë tavolinës së viktimës.

Më pas 50-vjeçari ka shkuar të flasë me të riun por situata ka agravuar dhe ata kanë debatuar. Gjatë debatit i riu ka nxjerrë armën dhe e ka qëlluar për vdekje. Gjoshi mësohet se është kunati i Altin Hajrit ndërsa në vitin 2021 ishte arrestuar për armëmbajtje pa leje.