Kryeministri Edi Rama kërkon të tërheq vëmendjen nga skandalet e qeverisë dhe hetimet e SPAK për bashkëpunëtorët tij duke shpikur fushata. Një nga këto është kufizimi apo mbyllja e Tik Tok. Kryeministri shfrytëzoi momentin kur një nxënës u vra nga shokët e tij dhe një tjetër u plagos dhe i pëlqeu që ta çonte debatin në atë drejtim. Siç doli, sherri i nxënësve në fjalë nuk kishte lidhje me Tik Tok, por lindi dhe u zhvillua në oborrin e shkollës. Sa për informacion, nxënësit përdorin më shumë Snapchat. Pse kryeministri nuk i hap luftë Snapchatit, por Tik Tok-ut? Ndoshta për t’u dukur më shumë amerikan se vetë Biden apo Trump (që kanë arsye të sigurisë kombëtare).
Dhe në këtë kuadër vijojnë diskutimet që po zhvillohen në shkolla të ndryshme të vendit mes stafeve mësimore dhe prindërve mbi idenë për kufizimin e rrjeteve sociale, si TikTok, me urdhër të Ramës.
Kryeministri Edi Rama ka publikuar ditën e sotme në rrjetet sociale pamje nga diskutimet, ndërsa shkruan se janë zhvilluar 394 takime me pjesëmarrjen e 14 mijë prindërve.
Vijon diskutimi me prindërit në shkollat e Tiranës, Shkodrës, Lezhës, Mamurrasit, Malësisë së Madhe, Hasit, Vaut të Dejës, Kurbinit, Beratit, Dimalit, Poliçanit, Belshit, Cërrikut, Librazhdit, Peqinit, Prrenjasit, Gramshit, Tepelenës, Përmetit dhe Vlorës me fokus kufizimi i rrjeteve sociale si TikTok.
Ky debat me urdhër nga lart, nuk ka asnjë rrezik për Tik Tok, as për mendimin opozitar që thuhet se mund të kufizohet nga Rama, por thjesht bllokon njerëzit në diskutime të kota, të parrezikshme për pushtetin.
gijotina.com/
Discussion about this post