Ka dështuar seanca e parë në Gjykatën e Posaçme, ku pritej të përballej kreu i Grupit Parlamentar të Partisë Demokratike Gazment Bardhi me ish-drejtorin e Policisë së Shkodrës Edmond Sula. Seanca e parë, që do të mbahej sot nuk u zhvillua pasi mungoi nuk u paraqit as avokati i Bardhit, por edhe vetë kreu i grupit parlamentar i PD-së mungoi, pasi raportohet se ndodhet jashtë vendit.
Në seancën e parë palët ftohen për të zgjidhur konfliktin me mirëkuptim mes njëri-tjetrit, por kjo dështoi.
Në shtator të këtij viti, Bardhi tha në Kuvend se ish-drejtori i Policisë së Shkodrës Edmond Sulaj është emëruar në këtë pozicion nga bandat. Bardhi lexoi dy biseda në sky, ku Pëllumb Gjoka dhe një person tjetër diskutonin për emërimin e një ‘Mondi’ në krye të Policisë së Shkodrës.
Menjëherë pas këtyre akuzave, reagoi edhe Sulaj, ku tha se deklaratat e Bardhit janë shpifje ndaj tij që cenojnë figurën e tij si Drejtor i Policisë së Shkodrës. Sulaj u shpreh se ai e mori detyrën 3 vitë më vonë pas periudhës së cilës i referohet Bardhi. Asokohe, ish-drejtori i Policisë paralajmëroi kallëzim penal ndaj Bardhit.
Discussion about this post