Një aksident ka ndodhur mëngjesin e sotëm në aksin rrugor Korçë – Bilisht. Mësohet se një automjet ende i paidentifikuar ka aksidentuar një këmbësore dhe është larguar nga vendi i ngjarjes.
Bëhet fjalë për një grua, e cila mësohet të ketë qenë duke lëvizur ne rrugën nacionale kur është goditur nga një mjet ende i paidentifikuar edhe për policinë e qarkullimit rrugor.
Gruaja e plagosur u transportua menjëherë në spitalin rajonal të Korçës, ku po merr ndihmë mjekësore dhe ndodhet jashtë rrezikut për jetën.
Policia e qarkullimit rrugor ka nisur hetimet për identifikimin dhe kapjen e drejtuesit të automjetit, i cili është larguar nga vendi i ngjarjes pas aksidentit.
Discussion about this post