11 emigrantë të paligjshëm janë arratisur mbrëmjen e djeshme nga qendra e pritjes në Karreç të Durrësit.
Për ketë arsye mësohet se AMP ka nisur një hetim brenda qendrës ku janë marrë në pyetje efektivët që kanë qënë në shërbim gjatë momentit kur ka ndodhur arratisja.
Qendra e mbyllur është një strukturë në varësi të Drejtorisë së Migracionit, pjesë e Departamentit për Kufirin dhe Migracionin, në Drejtorinë e Përgjithshme të Policisë së Shtetit.
Të gjithë këta persona janë të kapur më herët nga autoritetet shqiptare në tentative për të kaluar ilegalisht ndihmuar edhe nga grupe kriminale që merren me trafikimin e emigrantëve të paligjshëm.
Ende nuk dihet mënyra e arratisjes, apo nëse kanë patur ndihmë emigrantët për tu larguar nga qendra, e cila është nën kontrollin e Policise së Shtetit.
Por kjo vë në pikëpyetje sigurinë e kësaj qendre, që duhet të funksionoj për të mbrojtur qytetarët shqiptarë si dhe vetë emigrantët.
Discussion about this post