Pas përvojës së keqe në pankinën e Birmingham-it, vjen një zhgënjim i ri në karrierën e trajnerit Wayne Rooney. Ish-sulmuesi është shkarkuar nga Plymouth-i, që e drejtoi për 25 ndeshje, me një bilanc prej 5 fitoresh, 6 barazimesh dhe 14 humbjesh. Ekipi është në vendin e fundit të klasifikimit në Championship, me 18 pikë nga 23 ndeshje të luajtura.
Njoftimi i klubit:
“Plymouth Argyle mund të konfirmojë se klubi dhe trajneri Ëayne Rooney kanë rënë dakord për t’u ndarë me efekt të menjëhershëm. Do të donim të falënderonim Ëayne dhe ekipin e tij për të gjitha përpjekjet e tyre dhe t’u urojmë atyre më të mirat për të ardhmen. Në këtë moment, klubi nuk do të lëshojë deklarata të tjera, por do të ofrojë përditësime për stafin e ri drejtor të ekipit të parë në kohën e duhur.”
Vetë trajneri, ish-sulmues legjendar i Manchester United, reagoi:
“Dëshiroj të shfrytëzoj këtë mundësi për të falënderuar bordin e drejtorëve të Plymouth Argyle Football Club, veçanërisht Simon Hallett dhe Neil Dewsnip, me të cilët kam pasur marrëdhënie të shkëlqyera. Falënderoj gjithashtu të gjithë stafin që më bëri të ndihem i mirëpritur dhe që e bën klubin një vend kaq të veçantë, lojtarët dhe tifozët për përpjekjet dhe mbështetjen e tyre gjatë periudhës time si trajner kryesor dhe uroj atyre më të mirat për të ardhmen.”
Discussion about this post