Kontrollet blic në Lezhë kanë vënë në pranga 3 persona. Burime nga policia për gijotina.com bëjnë me dije se dy të rinj, përkatësisht 18 dhe 24 vjeç, gjatë kontrolleve të ushtruara në automjetin me të cilin ata udhëtonin, janë gjetur një armë tip pistoletë dhe një shkop bejsbolli.
Ata janë identifikuar si Brodinel Deda 18 vjeç dhe Fiorald Ndoj 24 vjeç.
Ndërkohë, është arrestuar edhe një person tjetër i identifikuar si Antonio Gega, të cilit gjatë kontrollit në automjetin me të cilin udhëtonte i janë gjetur dhe sekuestruar disa doza me lëndë të dyshuar narkotike cannabis sativa.
Pritet që të rinjtë problematikë të përballen me akuzën për veprat penale “Mbajtja pa leje e armëve dhe e municionit” dhe “Prodhimi, mbajtja, blerja apo shitja pa leje e armëve të ftohta”.
Discussion about this post